محاورة شعرية بين محمد العتيبي وخالد الزعبي

[ابو تركي]

السلام عليكم ورحمة الله وبركاته

وأسعد الله صباحكم بكل خير وموده


اقدم لكم هذه المحاورة بين الشاعر محمد العتيبي والشاعر خالد فهد سلامه بن رمضان


[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=2 line=200% align=center use=ex length=0 char="" num="0,black" filter=""]
محمد العتيبي
ياسلام الله على الزعبي عداد مراجعينه=في مقره بين تصدير الدفاتر وامتناعه
ان قرى يقعد ويترك كل حاجه في يدينه=ينتبه لاصار فيها بين سمع وبين طاعه
.....

خالد الزعبي
مرحبا باللي ليا واعد يوفي في يمينه=من رياجيل الكرم والطيب ورجال الشجاعه
تطلب الزعبي وتدري كل شيٍ خابيرنه=مالقيتك يوم وصيتك تورينا البضاعه
......
محمد العتيبي
البقا بالشاعر اللي يشبه اسوار المدينه=يشبه اسوار المدينه في رفاعه وارتفاعه
والبضاعه ياعميلي مثل شعره في عجينه=كاسبٍ سوم البضاعه كل وقت وكل ساعه

.....
خالد الزعبي
أنت ياجنيه الذهب بالسوق يامحلا رنينه=أقدر أسميك حلال المشاكل عن قناعه
العرب نفهم لغاها والعجم ترطن رطينه=وش عجينه يامحمد اثر مامعكم مناعه

......
محمد العتيبي
قالها مطلق ترانا محتمينه في عرينه=لونجي شهب الذيابه مالها غير المجاعه
كل مايطري عليه يرحم الله والدينه=الخلا ياللي تبيها بالخديعه والطماعه

......
خالد الزعبي
لو درآ مطلق بوضعك كان ماطالت سنينه=خلها بيني وبينك واترك اعلوم الجماعه
يامحمد ماتعلقنا بشيٍ فاقيدينه=كاسبه من فضل ربي والفتى عزه ذراعه

.....
محمد العتيبي
والله انه لو يجيك اتحب راسه مع جبينه=وانت شاعر في مقامك بس مافيك استطاعه
والسفينه حملت ركابها فوق السفينه=وانت تصفق باليمين إمع اليسار وفيك راعه
.....
خالد الزعبي
المعاني مانباها كود يامحمد ثمينه=لا تضايقنا وتصبح هوشه ابليا فراعه
انت تعرف صاحبك لادقلك سلف المكينه=بعدها ماتقرب الفرسان وتحب الزراعه



وسلامتكم
[/poet]