مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 25th July 2007, 13:20   #1
SHaaLe7
عضــــو
 
تاريخ التسجيل: Feb 2006
المشاركات: 9
يا صاحبي في عيونك سجلّ إعجابـي

السلام عليكم

هبت هبوب القريحـه وانفتـح بابـي
يا ليتني ما عرفت الشعـر وطروقـه

شيبّي الشعر ميـر القـاف ماشابـي
دايم يجـدد صبـاه ويحيـي عروقـه

يشيل من لحيتـي ويحـط فـأشنابـي
وأشيل مـا حطّهـا وأحطّهـا فوقـه

عديّت بالصـوت والمرقـاب مرقابـي
وكل ٍ حسب منطقه يبـدي بمنطوقـه

يا صاحبي في عيونك سجلّ إعجابـي
وبلغّ لي صبيّ عينك يفطـن لموقـه

وأسلم وسلّم عليها واحسب حسابـي
وأحفظ عهود الغرام الصـح وحقوقـه

وشلون خليّتني عايش على اعصابـي
ومكانتي في عيون الحـب مرموقـه

قابلتنـي بالجفـا وافـتـرّ دولابــي
والهجر خيلّ سمـاه ولاحـت بروقـه

عز الله انك معـي صـادق وكذابـي
دايـم هقاويـك مطـروده وملحوقـه

أحسنت فـالظن مير الظن ما صابـي
وانا جروحي لهـا عاميـن مفتوقـه

كم ليلـة ٍ مرّنـي طاريـك واومابـي
يسوقني مع هجوع الخلـق وأسوقـه

مع نجمة الصبح كم غنيّت ممـاّ بـي
( يا نجمة الصبح كبدي منك مرهوقه )

هذا حصيلي من أول وآخـر أحبابـي
ورده وذبلانه .. وشمعه ومحروقـه ؟








سدّاح ،،،
SHaaLe7 غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:20


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir