مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 17th November 2004, 07:46   #1
محمد فهد الوافي
شاعر
 
تاريخ التسجيل: Oct 2004
المشاركات: 231
قصيدة وسالفتها وردها

السلام عليكم ورحمة الله وبركاته ،،،،،،،،،،،،،،

صبحكم الله بالخير

ارسل لكم قصيدة ارسلتها للشاعر / علي فهد العراده وكذلك رد الشاعر عليها وهذه الرديه لها سالفه

السالفه

كنت جالس في احد الايام في دوانية احد الاصحاب وهي الديوانية التي اجلس فيها دائما وطبعا علي العرادة

صديق لي ومن رواد الديوانية وطبعا الديوانية كانت مليانه اللي يلعب ورقه واللي يطالع التلفزيون واللي يسولفون

وانا كنت جالس على المركى ومعاي ورقة وقلم وقاعد اكتب قصيدة وعلي كان مقابلني المهم ان شفت علي قاعد

يطالع فيني ويبتسم وقلتله خير يا علي قالي الله يعينك يالشاعر قلت ليه قال اللي يكتب الشعر تلقاه وين مايروح

الشعر معاه يكتب بيت بالديوانيه وبيت بالسيارة وبيت عند الاشاره وحالته حاله الله يعينه طبعا على شاعر وشاعر

مو بسيط ولما كان يقولي الكلام هذا كان من باب النقاش والنصح وما كان يقصد فيها طنازه او ما شابه ذلك وطبعا

تعرفون ان الشاعر يكتب عن موقف والقصيدة هي اصلا قصة او موضوع المهم انا مابي اطول عليكم بسمعكم القصيدة

ورد علي عليها وعزالله ان رده ردن يبيض الوجه .

القصيدة واقول فيها ،،،،،،،،،

يا قرم يا مشكاي يا خير نــــــــاصوح
******************** *************** عطني النصيحه كان تبغيلي اصــــــلاح
الرجل مايبدي كلامٍ بــــــــــــــــلار وح
******************** *************** يحسب عليه اللي هرجبه ومــــــــــاراح
صحيح احب المزح مع كل مــــــــازوح
******************** *************** وان طولت يا خوك ماني بمــــــــــــزاح
ان كان عذبك الشعر دون مصـــــــلوح
******************** ************** والا بنات الفكر زاحنك ازيـــــــــــــــــ اح
انا لها يامسندي باني ســــــــــــروح
******************** ************** واليا بغيت الشعر ما اتعب ومرتـــــــــاح
ماني على نظم الشعر ابدي النــــــوح
******************** ************** ولا ما عسرني قولها وصحت بصيــــــاح
بلاك ما تدري عن الشرح وشـــــــروح
******************** ************** معذور ياللي ما عرف ضيق وافــــــــراح
انا بلاي اللي نزع غالي الــــــــــروح
******************** ************** اللي ذبحني ذبح حيلٍ بلاســــــــــــــلا ح
اللي جرح قلبي وجددله جــــــــــروح
******************** ************** وخلاه ينزف من كثر غز الارمـــــــــــــاح
عشقٍ جديدٍ شاحني يا علي شـــــوح
******************** ************* شوحت عزيز النفس لا جاه شـــــــــــــواح
اشكي هواهم يا علي من ورى الدوح
******************** ************** واصيح صيحة من تقفاه ذبــــــــــــــــاح
انده على من هو يموح الحشا مــــوح
******************** ************** ويفز قلبي كل ما صاح صيــــــــــــــــاح
بقول تكفى ردلي يا منى الـــــــروح
******************** *************** وبحلفه باللي خلق كــــــــــــــل الارواح
انه يعاهدني المواصل ولا يــــــــروح
******************** *************** وانا بعاهدهم على كل مصـــــــــــــلاح
ياللي غلاه بداخل القلب مطــــــــروح
******************** *************** وياللي له الخافق يهلي وبه ســـــــــاح
يامن هويته يا بعد كل مملـــــــــــوح
******************** ************** ياللي جماله زاح من كان مـــــــــــــــداح
يا زين عشقيله على جبال وسفـــوح
******************** *************** ماهو بعشق اللي دنع وقت ممـــــــــراح
عشق بدوي لا حب ما هو بمفضـــوح
******************** *************** ولا هو على فعل الردى يطمح اطمــــاح
يتعب على شيمه وعفه وسامــــــوح
******************** ************** ويتعب على قولة نعم صدق وصحـــــــاح
اللي يبي المسراح يصبر على الكوح
******************** ************* لين يغدي جوه نسانيس واريـــــــــــــــا ح
ومن لا غطس في غبة الجم سابــــوح
******************** **************** لا ما نهض روحه مع كل سبـــــــــــــاح
ارسلتلك يا صاحبي عدة اطـــــــروح
******************** *************** حتى يجي المضمون واضح ووضـــــــاح
وعطيتك اللي داخل الفكر له فـــــوح
******************** ************** وعطرتها من دهن عودٍ وفـــــــــــــــواح
وختامها يالقرم اسمح ومسمـــــــوح
******************** ************** واليا عسرك الرد ماني بفضـــــــــــــــاح


الرد ــــــــــــــــــــ ــــ


حييت ياللي جبتهالي علـــــــى اوح
******************** ************* قصيدةٍ جزله وقفلتها بـــــــــــــــــــ ــــاح
تحيةٍ من دونها الباب مفتـــــــــــوح
******************** ************* للي مثل شرواك والبال منســـــــــــــــاح
ويامحمد اخذ العلم مسمار في لــوح
******************** ************* ماراح راح وبعض ماراح مــــــــــــــــارا ح
اقولها وحق الذي منزلٍ نــــــــــوح
******************** ************* عندي لعسرات المغاليق مفتـــــــــــــــاح
مفتاح كنه كف من كان طــــــاروح
******************** ************* طاروح حرٍ فارسي بالشبك طــــــــــــاح
والشعر عندي يالخوي حيل ممدوح
******************** ************ ومثلي بدع بالقاف دكتور جـــــــــــــــراح
الشعر عندي ان قلتله روح بيــروح
******************** ************ وان قلت عود ردلي غصب ياصــــــــــــاح
اقول ما قلته وعسى ان جاتني تروح
******************** ************ ضيقات نفسي شافت افراح واتـــــــــراح
نفسٍ عزيزه جروحها صارت قـــروح
******************** ************ من سبة اللي يالخوي عنهــــــــــــــا راح
غروٍ مشاهد غرته صح وصحــــــوح
******************** ************ هافي حشا نابي ردايف ولمـــــــــــــــاح
لمعة خدوده بالدجا يجيلهن ضـــوح
******************** ************ ضوح الشفق اليا جلى الليل وانــــــــــزاح
وجدايلن لا قام ايلوحهن لــــــــــوح
******************** ************ ما كنه الا بحالة صياح ونيـــــــــــــــــ ـاح
وجسمه بزبده يا فتى الجود ممسوح
******************** ************ وريقه عسل مخلوط مع ماي لقـــــــــــــاح
وقلبه على لاماي بالحيل مشفــــوح
******************** ************ شفاحتن راحت مع ادراج الاريـــــــــــــــ اح
من يوم رد اللي عسى روحه اتروح
******************** *********** ذاك العفن اللي ظوى عقب مســــــــــــراح
رد وذبحني بردته ومت مذبــــــــوح
******************** ********** قتيل حب وقاتل الحب سفــــــــــــــــــ ــــاح
ويا محمد اسمع دامها عدت البـــوح
******************** ********** قصة غرامك فعرف ان الفـــــــــــــــــ رج لاح
ابشر بفزعه لك من الروح للـــــروح
******************** ********** فزعة رجل من جور الايام ما نـــــــــــــــــاح
رجلٍ تغذى طيب وبالطيب منصــوح
******************** ********** من شايبٍ ما حاد عن درب الاصــــــــــــــلا ح
وما دام حبك واضح القصد قم روح
******************** *********** اخطب وخل عنك الخساير والاربــــــــــــاح
اخطب وانا عنك اباكوحهن كـــوح
******************** *********** هموم عرسك كامله وانت ارتـــــــــــــــــ اح
شرواك غالي ماهي بضحك ومزوح
******************** *********** والرجل يظهر قلبه صياح وانكـــــــــــــــا ح
وتم الجواب وزايد الهرج مزيـــــوح
******************** ********** وتالي القصيدة بيت يالقرم بـــــــــــــــــوا ح
مثلي ان عسره القاف ماهو بمسموح
******************** ********** ومثلك مثل ما قلت ماهو بفضـــــــــــــــــ ـاح


وسلامتكم ,,,,,,,,,,,,,,,,,,,, ,,,,,,,
محمد فهد الوافي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:42


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir