مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 18th January 2004, 09:35   #1
ابو تركي
مراقب عام
 
تاريخ التسجيل: Jan 2003
المشاركات: 426
قصيدة حمد البراطمي في جاره ، ومجارات شعراء العمور لها

السلام عليكم ورحمة الله وبركاته


صبحكم الله بالخير جميع


أولا أعتذر عن غيابي الأضطراري عن هذا المنتدى الشامخ بسبب ضروف الدراسة ولكن أعدكم بأذن الله خلال الأسبوع القادم أن أكون متواجدٍ معكم فعليا .

*****************


هذه القصيده قصيدة الشاعر الكبير حمد البراطمي عندما توفي جاره المدعو / فالح بن صغيّر العمور الدوسري .
وكان بينهما عشرة طويله تصل إلى أكثر من عشرين عام وكان فالح رمز للوفاء والكرم والشجاعه ومثال للجار الوافي ....


يقول البراطمي :
[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
مرحوم ياجار ربيع على الجـــــار=عشرين عام مااشتكى منه جاره
مرحـــــوم لعلــــــه مجارٍ من النار=أيضا عسى الجنه مقـــره وداره
اللي لخرفان المصاليــــــح جــزّار=والضيــــف دايم قايمٍ في وقاره
يضحك حجاجه لا لفى البيت خطار=وتعليقة الكبشين فنّـــــه وكـاره
يفرح به الجــــلاب لاصار محتــــار=اللي بخرفانـــه يـــدوّر تجــــاره
ولو حدّهن بأغلى ثمن طافي النار=يقــــدم عليها مايهاب الخسـاره
مشرعا البــــاب للجــــار والمــــار=ذولا مساييــــرٍ وذولا زيـــــــاره
ومن منسب مشهور في قصة الجار=اللي تبرع ديتــــه من جــــداره
موتتك فجعه يالعميري على الجار =وعلى الدواسر يالعميري خساره
الله يبيحــك عـــد ما طايـــرٍ طار=واعداد من للبيــــت راحوا زيـــاره
يامــا قضيناهــا على بــن وبهار=وياما تخاوينا بعـــــز ونـــــــداره
فالح صحيب الضيف له عندنا أذكار=لا جاء مجالـــه نذكره عند جـــاره
جارٍ على جاره بساتين وأنهــــار=وجارٍ على جاره يثـّــور غبـــــاره
وجارٍ على جاره كما الوالد البــار=وجارٍ على جاره تقطـّـــع شراره
ياعل يطلع من دنايـــــاه نــــدار =يحيون ذكـــره مايطفــّــون ناره
ظني ينومسني بوافين الأشبــار=والنمــر بالعــاده يخلــّــــف نماره
وختامها تقديس علام الأســــرار=اللي غطش ليله ووضـــّـــــح نهاره
[/poet]

وبعد القصيدة المذكوره أعلاه تفاعلوا معها شعراء العمور وجاروها وهم كالتالي

الشاعر / مبارك بن خلف بن سند العمور الدوسري ...
يقول :

[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
يـالله يـاعــالــم خـفيّـــات الأقـــــدار=بأمـرك يسيـر الكون داخل مــداره
يـالواحــد اللي خالــقٍ كــل الأقطـار=ماغيـرك اللـي ماضــيٍ في قــراره
سبحانه اللي عالــمٍ كـــل الأســـرار=سبحانــه اللي ما يكشـّـف ستـــاره
العبد مذنـب وأنــت للذنـــب غـفّــار =وبعـد المعاصـي تغسلـه بالطهـاره
يالله أنـا طالبـك جرنـي مــن النّـــار=وبجنّـة الفردوس عطنـي البشـاره
ومن بعـد ذكرك يالولي جتني أخبار=عن شاعــرٍ يرثـي فـقيــدٍ خســـاره
أوفيـت يالزعبـي جزيـلات الأشعـار=ومن عـادة النشمي جزيل العبــاره
يالحــر يالمنعــور يانســل الأحـرار =يــانســل قــومٍ معرفتهــم تجـــاره
أسهرت عيني ياحمد وقت الأسحار =وعين الشقي ياخوك هلـّت عبــاره
ذكــرت مـن لـه بالحشـا كل مقــدار=ذكـرت شيــخٍ مااشتكـى منه جـاره
أبـو صغّيــر سابــقٍ كـــل بيطـــــار =أبــو صغّيـــر مـاطفـت يــوم نـــاره
أبـو صغّيــر نســل وافيـن الأشبــار=شيــــخٍ كريـــمٍ والمراجــل شعـاره
وأبو صغّيـر يـوم تحتــار الأنظــــار=وساعة تجيك من العدو كـل غــاره
أبـو صغّيـر في اللقـا سيـف مغــوار =ويـاويل منهو يعترض فـي مسـاره
ويالله يامــالـك مقـاديــر الأعمــــار=تغفـــر ذنـوب اللي رحل عن دياره
ويالله عساه من المفـاليح الأخيــار=وفي جنــة الفردوس يقطـف ثماره
وختامها صلـّوا على سيـد الأبــرار=واعداد ماترمي الحجيـج الحجـاره


[/poet]

.......

وكذلك جاراه الشاعر / محمد بن مبارك الشرع العمور الدوسري


يقول محمد

[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
باسم الله أبـــدا فالقـــوافي والأشعار=وأطلــــبه ربــي فالخــفــــا والجهاره
الواحد المــعــبــود والــــنافع الضار =عســــاه يكـــفيــــنا لــــواهيب ناره
ويعــــزّز الإســـلام في كـــل الأقطار=ويـــــرفع نــدى المذن على كل حاره
ويحمي الوطن عــن كل كافر وغدار=ويرد كــــــيد المعـــــتدي في دياره
موزونةٍ جتنا ومن شيخ شعّار=قـــرم القــــروم الي يشـــــب المناره
الشاعر الي يرثــــي بشـــعره الجار=وما ألــــــوم مثله لا شكى فقد جاره
من لابة ٍ تارد على حـوض الأخطار =ا زعـــــــوب يسقون العدو بالمراره
أهل الوفا والــعــــز وافــين الأشبار=وأهل الشجــــــــاعة مهتوين النعاره
وأخص بأبياتـي حــمـد موقـــد النار=اللي بنى للجـــــــــــود والضيف داره
ومرحوم يا شـيخ ٍ تولـــتـــك الأقدار=أنا أشـهد إنك يالشـقــردي خساره
كــم دلــــة ٍ وفــــيــتــهــا بـن وبهار=وكـــــــم عايلٍ للضـــيف توقد مناره
تفــرح إلا من جاك فالــبــيــت زوّار =مكسبك فالعــلـــيا وهـي لك تجاره
عساك فالجنة مع القــــــــوم الأبرار =تشرب من الصافي وتقـطــف ثماره
ويا صغيّر اصبر يوم صار الذي صار=مكتوب مالك فيــــه حيــــله وشاره
واحذر تهجر الشّـعـب والربع والدار=وابوك فالــــح لا تغـــــيّر مـــساره
خلك على دربـــه على درب الأحرار =مقيولة ٍ والنــــمر يــــــــــرّث نماره
وصلاة ربي عــــــــد ما هلت أمطار=عـلى شفــــيع الخلق راعي البشاره


[/poet]

......

وكذلك يجاري قصيدة البراطمي الشاعر / خلف بن ناشي بن خلف العمور الدوسري


يقول خلف
[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
ان كان تشكي يا حــــمد تبكي الجار=من طيـــبــــكم محدٍ شكى منه جاره
يا مرحباً يالحر من ذيــــــك الاحرار=من نســــــــل رجالٍ يشب المناره
ازعوبٍ على الجزلات وافين الاشبار=عـــــوق الزعيم ورادعة كل غاره
لا جا نهار ٍ فيه بــــارود وغبــــــار=والرمح فــــوق الخيل يقدح شراره
عز القصير وعز منهــــو لكــم جار=قــــــوم منـــــــاعير ٍ تعز الجواره
قوم ٍ تفج الباب في وجــــه مـن زار=تفـــــــرح إلى جاوا النشاما زياره
حمد بخصه في مضامـــين الاشعار=الشـــــاعر اللي ما ذخر دون جاره
طيبه تعلى وارتفع فــــوق طيّــــــار=عــدّى على روس العرب بالجساره
للجار عنده والخــــوي دوم مقــدار=ويعطــــي كبير السن حق الكباره
الموت حق ٍ يا حــــمد والقدر صـار=وراح الذي موتـــه علينا خساره
حمد فقدنا شيخ تبكــــي له الـــــدار=والعيــــ ـــــن من فقده تهل العباره
فالح وريث الطيب والـــجود والكار=فالح على الضيفان يعطي البشاره
عريب جد ٍ عادته يكـــرم الــــــجار=شيــخ على الناموس اسس جداره
جارٍ على جاره كما وبــــل الامـطار=وجـارٍ على جاره شموس وحراره
جارٍ على جاره كـــما در الابكـــــار=وجـــــ ـارٍ يجي منه البلا والقشاره
ابشر ترى حـــوران ياتي له احرار =يــــــاتي له عيالٍ تطول الفخاره
الله يجعل منزلـــه دار الابـــــــــرار =وفي جـــنة الفردوس يجني ثماره
وصلاة ربي عـــد ما تنــــبت ازهار=عـلى النــبي المختار جاب البشاره


[/poet]

.......


وكذلك يجاري قصيدة البراطمي الشاعر / فهد بن ضيف العمور

[poet font="Simplified Arabic,4,black,norma l,normal" bkcolor="transparent " bkimage="" border="solid,4,blac k" type=1 line=200% align=center use=ex length=0 char="" num="0,black" filter=""]
يالله يا عالم خفـــــــــــــــيات الاسرار =يا مكـــــــــوّرٍ ليله وبيّض نهاره
مجري سفينة نـــوح في غـي الابحار=وكــــل ٍ مشى فالكون يتبع مساره
جعلك تجنبنا طريـــق اهـــــل الاشرار=وتجــــــــي رنا من حر لاهوب نـــاره
البارحة ما امســـيت واديـــــر الافكار =والقــــــــلب مهمومٍ وكثرة عباره
هيضني الزعبــي بزينــــــات الاشعار=متهيــــــــ ــــضٍ يذكر فعايل لجاره
حمد ثنا في مـــدح جـــــــــاره ولا بار=يا نا فدا الي مــــا نسى فعل جاره
جارٍ على جاره تـــظلـــــــــل بالازهار=وجارٍ على جــــــاره يدرب مهــاره
زعبٍ هل التاريـــخ وافيـــــن الاشبار=اهل الصخا والجـود واهل النعاره
افعالهم من وقـــت نوح لــــــها اذكار=ولا فــــــــولد اللاش ما شب ناره
زعبٍ لهم بيــن العرب شيـــع واذكار=ترفع لها البيضاء بروس المناره
يوم الشريف أرسل لهم جيش ومهار =ردوا على جيشه وردوا امـــهاره
وابو صــغيّر للمواجـــــــــــيب خسّار=فيــه الصخا والــجود هو والنداره
انا اشــهد انه من الاجــــاويد الاخيار =مــــير القدر مكــتوب والله اختاره
يفرح بشوف الضيف ما هوب محتار=يقدم الحــــــــــــايل ومعها الفقاره
فالح كما حــر ٍ تعلـــــــــوى بالاوكار=حــــــرٍ تسلسل من مناشي اوكاره
انا اشهد انــه من رجــــــــال لهم كار=تافــــــي بحق الجار والعلم اشاره
له مجلس تـــلقا به الطـــــــــيب دوّار=مشــــــــــــ ــــرّع بالليل ولا نهاره
يالله عساه بجـــنة الخــــــــلد وازهار =في جـــــــنة خضرا تطارد انهاره
وصلوا على اللــي بالرســالات مختار=اعـــــــــداد من صلى وللبيت زاره



[/poet]



وسلامتكم جميع


اتقبل تحيات اخوكم أبو تركي
ابو تركي غير متواجد حالياً   رد مع اقتباس
قديم 18th January 2004, 09:56   #2
أخو وضحى
عضــــو فعــال
 
تاريخ التسجيل: Mar 2003
المشاركات: 579
مرحبا يابـــــو تركي

من طول الغيبات جاب الغنايم أولا وقبل قراءة الموضوع الحمد لله اللي عطيتنا أخبارك ومايفقد الا الغالي وانا اخوك..


ثانيا المشاركة ممتازة صح لسان الشاعر الكبير حمد البراطمي

وصح لسان جميع شعّار العمور من الدواسر والطيب لا طلع منهم مهوب توه طالع طيبهم من قديم الازمان والمسلمين يشهدون لهم...



تحيــــــــــــــــا تي
أخو  وضحى غير متواجد حالياً   رد مع اقتباس
قديم 18th January 2004, 14:42   #3
البحيري
عضــــو نشيــط
 
تاريخ التسجيل: Oct 2003
المشاركات: 200
السلام عليكم ورحمة الله وبركاته

الحمد لله على السلامة يا بو تركي ، بالنسبة لظروفك نقول الله يوفقك بالدراسة وتجيب الشهادة بإذن الله.

جزاك الله خير على نقل قصايد شعراءنا الكبار في مدح من يتساهل من القبايل الأخرى.

تقبل تحياتي


أبو مطلق
__________________
قال تعالى (( قل إني أخاف إن عصيت ربي عذاب يوم عظيم ))
البحيري غير متواجد حالياً   رد مع اقتباس
قديم 20th January 2004, 17:37   #4
ابوهلا
عضو مهم
 
تاريخ التسجيل: Jan 2003
المشاركات: 2,030
السلام عليكم ورحمة الله وبركاته


مرحبابك يابو تركي وتغيب وتجيب يابوتركي

ورحم الله : فالح بن صغيّر العمور الدوسري

وصح لسان الشاعر الكبير : حمد البراطمي فقصائده دائما جزله اطال الله في عمره


والدواسر يستاهلون ونعم ( مودية جارهم من جدارهم )

وصح لسان جميع الشعراء اللذين قاموا بالرد على الشاعر الكبير حمد البراطمي فمجاراتهم جزله ورائعه


لاهنت يابوتركي ولاعاد تبطي علينا


تقبل تحياتي واحترامي
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 21st January 2004, 00:24   #5
العميد
مشرف مجلس الضيافه
 
تاريخ التسجيل: Feb 2003
المشاركات: 762
صح السان الشاعر / حمد البراطمي ابو فهد و صح السان شعراء العمور

و المرحوم باذن الله / فالح بن صغير الدوسري ، مشهور عند جماعته وربعه بأسم " الشقردي " و هذه ميزة خاصه به .




وهذا عوائدك يا ابو تركي الجزلات و تحريبها


وتسلم على هذا الاختيار
__________________
العميـــــــد ، ، ،
العميد غير متواجد حالياً   رد مع اقتباس
قديم 21st January 2004, 11:45   #6
محمد الهميم
عضــــو
 
تاريخ التسجيل: Mar 2003
المشاركات: 64
السلام عليكم

والحمدلله على سلامتك يابو تركي وبصراحه ابيات جزله

وصح لسان الشاعر حمد البراطمي وصح لسان العمور

وتسلم يمينك يابو تركي
تقبل تحياتي
محمد الهميم غير متواجد حالياً   رد مع اقتباس
قديم 11th February 2004, 02:46   #7
ابو تركي
مراقب عام
 
تاريخ التسجيل: Jan 2003
المشاركات: 426
الاخ الغالي اخو وضحى


يامرحبابك


شكرا على كلامك الجميل


تقبل تحيات اخوك
ابو تركي
******************** ***************

الاخ الغالي البحيري

يامرحبابك


ابشرك تخرجت

ولا شكر على واجب

تقبل تحيات اخوك ابو تركي

******************** ******************

المشرف العام ابو هلا


والبقا يابو هلا


شكرا على الكلام اللطيف


وماعملت اللا الوواجب


تقبل تحيات اخوك ابو تركي

******************** *****************
الاخ الغالي العميد

يامرحبابك


وشكرا على كلامك الطيب


ومبطين منك والله

تقبل تحيات اخوك ابو تركي

******************** *******

الاخ الغالي محمد الهميم


يامرحبا بك



والله يسلمك من الشر



ويسلم غاليك



شكرا لك


وتقبل تحياتي
ابو تركي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:36


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir