ليا عطيتوا مدكم بالوافي_لو ماعلى الزعبي ياكود هدومه(للنومسي)

[ابو تركي]

السلام عليكم ورحمة الله وبركاته



واسعد الله صباحكم بكل خير وموده



اقدم لكم هذه القصيده للشاعر مطلق بن عبيد النومسي العنزي وهو شاعر غني عن التعريف اشتهر بالنظم والمحاوره

[poem font="Simplified Arabic,4,white,bold, normal" bkcolor="transparent " bkimage="backgrounds/21.gif" border="solid,4,gray " type=1 line=0 align=center use=ex num="0,black"]

للشعر هدات ومطير وحومه=والشاعر الطيب يسد لزومه
ليا وقف بين الرجال وغنى=لازم يحشم العالم المحشومه
أما تجي قصيدته ما شاء الله=والا تجي قصيدته معدومه
وأنا من الشعار شاعر واثق=والشعر عبد وقدرتي محتومه
ألاعب القيفان واخدرها=تخديرة الليبتون بالقيصومه
فضلٍ من الله والشكر واجب له=والناس يامعطاه يامحرومه
ومن بعدها سلام مابه منّه=دايم يروم الطيب قبل يرومه
باللابه اللي عربت عانيها=من طيب منسبها وطيب سلومه
لابة حرار وصيدها من يدها=والحر يكرم عن مقام البومه
يازعب يازعب الكرم والرفعه=ياللي على در الظفر مفطومه
عرفت زعب بطيبها من مبطي=وقريت عنها قصةٍ معلومه
قصة تشرف كل بيتٍ زعبي=يوم الليالي بالقشر مبرومه
يوم الشريف أنوى بذود الحربي=صرتوا سوات الموت في بلعومه
عن جاركم بالأحمرين اعلنتوا=والحرب ما أنتم جاهلين سلومه
سيوف حرب وضربها ما يرحم=ماهي سيوفٍ باللقا مثلومه
يشهد لكم شرق البلاد وغربه=وتشهد جبال طويق قبل رجومه
وليا اجتمعتوا وانتخت زعبيه=صرتوا كما قوس الفنا وسهومه
يجي ولدكم مثل سبعٍ باتع=من جور كفه فاسرات كمومه
وليا عطيتوا مدكم بالوافي=لو ماعلى الزعبي ياكود اهدومه
والنعم فيك غصب والا طيّب=قبيلةٍ من الردى معصومه
وأختم كلامي بالتحيه مني=تحيةٍ عزامه ومعزومه
تحيةٍ من وايليٍ جاكم=امن الكويت ولابته معلومه

مطلق النومسي[/poem]

تقبلوا تحيات اخوكم
ابو تركي