مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

إضافة رد
 
أدوات الموضوع انواع عرض الموضوع
قديم 26th October 2005, 02:42   #1
ابن عسكر
شاعر
 
الصورة الرمزية ابن عسكر
 
تاريخ التسجيل: Jul 2005
المشاركات: 171
الردي يعطيك كرسوع البعير 000

السلام عليكم ورحمة الله وبركاته


هذه الملحمة الشعرية لعلم من اعلام الشعر النبطي في عصرنا الحاضر ((مرشد البذال)) رحمه الله رحمة واسعة ,,

قال هذه القصيدة بعد إنتهاء الظروف التي منعته من زيارة الأمير ( السديري) .
والمقصود بابو نايف و ابن عون هو الشاعر الكبير عبدالله بن عون

____________________ ____________________ ____________________ _

وهو يقول فيها ::




[poem font="Simplified Arabic,4,black,norma l,normal" bkcolor="transparent " bkimage="backgrounds/2.gif" border="none,4,gray" type=0 line=0 align=center use=ex num="0,black"]
قل لأبو نواف كملن العذار = وإنتوينا بالسنافي للمسير

كان أبو نايف تحصّل له مدار = دوره وإلا دفعنا له بشير

قل لأبن عون الوعد تالي النهار = بالمثلث لايسج ولا يحير

إعتجل يوم الهوا ذعذع ودار = إترك الراضه وعذرن فيه مير

كان عندك بالبناء تالي جدار = أجله والعيد مافيه إتعمير

يم أبو سلطان عزم الفكر دار = يم غيره لا تقول ولا تشير

خلهن يمشن من الديره لدار = المواتر صافيه والدرب قير

مثل ابو سلطان له حق يزار = جيته بالعيد مظهرها كبير

سجتن عنده تزيد بها العمار = يدله الخاطر ويرتاح الضمير

في محل كد جلسنا به مرار = مدهل الحكام والزاعل عثير

مجلس يؤخذ بعين الأعتبار = صاحبه ياعز منهو له عشير

دلة فيها من الحبشي بهار = ومنسف يشبع ضيوفه والقصير

نادر له نطحت الموجب شعار = فاهمن بالمرجله درس غزير

ما لبس ثوب الشهامه مستعار = وارث طيبه من الوجه السفير

أحمد اللي له تواريخن قرار = بالكرم وبسلة السيف الشقير

إنشد التاريخ يعطيك إختبار = عن تواريخ السديري بتعبيــر

أقر ديوان الخليفه كان دار = شف مقاله عنه بالخط الأخير

شف مراكيضه على قب المهار = يوم سفك الدم غادن له هدير

كان أبو سلطان همساته كبار = تابعن عود على دربه يسير

والعلوم كبار وأحلاها القصار = زبدة الموضوع وأحلاه القصير

مابنيت الملحمه بيتن جدار = كود ناسبها على فعلن شهير

كان للمعروف هالوقت إشتهار = السديري مع هل الجودا خشير

ما بنى السمعه على ملس العذار = ما بناها إلا على فعلن ثمير

أنشد اللي سمع بفعول الكبار = نور الأول يقتبس منه الأخير

يوم وقتي عقب أبو زيد إستدار = إجتبرت بجابر العظم الكسير

شيمت اللي فيه خصلاتن إخيار = الذكى والدين والعرض الستير

لي بربعتهم معزه وإفتخار = ربعة الطيب تنسيك الحقير

أفهم الطيب الخنيني من البخار = يوم فاح المسك شميت العبير

قالها اللي له بعرف الناس كار = يفهم الشبر الطويل من القصير

الرجال طيور توصف للحرار = كل طيرن في جناحينه يطير

وين طير يحتريله كل جار = وين طير مايصيد إلا الشعير

لو تقول إن الشجاعه بالطيار = كان فضلنا القطاه بما يصير

وين طير وإن هوّا شق الستار = وين طير يذعره صوت الصفير

النداوي له على الصيد إقتدار = والحمامه بالمحل وتستدير

وإن جهلت الزين والجنس الدمار = إنشد اللي في معرفتهن خبير

أخذ لك مني كلامن بإختصار = فرق بين الصوف من سلك الحرير

فرق بين الحب وأنخال الشوار = أصلهن واحد لاشك الذوق غير

ربعة الطيب تزيدك بإنتصار = ترفعك رفع العمد بيتن نظير

والردي عرفه مثل بير هيار = تنقبر فيها ويدفنك الحفير

حقة الطيب تجيك من الفقار = والردي يعطيك كرسوع البعير

لا ترابع واحدن بالعهد بار = وإن وفى له مرة خيره كثير

التجارب خلها لك مستشار = لاتبي غير التجارب لك شوير

لاتجي مدخل يدينه بالخبار = مالقى صيده لقى دابن ضرير

روس الرجال فهود ودناهم حمار = وأنت فكر بالفهود وبالحمير

وانت في دورك عليك الدور دار = لاتحسب إنك مخلا يالفقير

وقر العالم وتلقى لك وقار = وإن حقر حقرت لوك إبن أمير

والشرف لايستوي فيه إنهيار = الشرف هو مقضب السيف الشطير

والقناعة مرجلة والضعف عار = وأطلب النجدة من الوالي القدير

لاتجي للناس طلباتك إكثار = كل ديوان تجي يمه مغير

ما خبرنا بأهل الشحذه تجار = غير فقره كل نفس له تعيير

خل عز النفس للعوره ستار = لو فراشك في طرف بيتك حصير

وأنت للعوده من الله بإنتظار = واحدن ماله وكيل ولا مدير

مدة الله تمتلي منها النقار = تجعل الغدران بالملزم تحير

يجعل الوادي مريف بالخضار = عقب ماهو يابس قشعه هشير

الكريم معان والفارس مجار = مدّي الواجب ونطاح الذخير

الغنى بالذل مذموم مرار = والفقر بالعز لأمجادك يثير

طربة الدنيا مثل لعب القمار = لو جمعت المال شفت تالي المصير

لو جمعت من الذهب حمل القطار = عند نزح الروح ما أنت بي له دبير

صار بين الوارثين بلا مشار = ينعزل حق الكبير من الصغير

وأنت حقك خامتن عشرين وار = ذيك هي حقك ولا فيها خشير

فصلوا منها الكفن هو والوزار = إقرشوا بك يم مثواك الأخير

وإسدحوك بحفرة في وسط غار = يطردك منكر وقدامك نكير

واهني اللي مشى طلق شكار = سالم من ظلم عمر ومن عمير

لوّه بالدنيا بحلاّتن إعسار = يرتجي بالآخره فرحة نظير

من رحمة الله وقبلن العذار = رحمة الله تغفر الذنب الخطير

والأثيم من الصراط أقرش وعار = وإن سلم من ويل طاح بزمهرير

إلهي كان مافيّ إقتدار = ألتجي في رحمتك وأنت المجير

الشباب أقفى وأنا بآخر نهار = وأرتجي فزعتك يانعم الشوير[/poem]


وسلامتكم
ابن عسكر غير متواجد حالياً   رد مع اقتباس
قديم 26th October 2005, 03:43   #2
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
رحم الله الشاعر مرشد البذال


شاعر معروف ومن كبار الشعراء اللي لهم باع طويل في مجال الشعر




وبيض الله وجهك يا ابن عسكر على انتقاء ((( الذهـــبه )) القصيده الرائعه




ولاهنت
.
مبارك الزعبي غير متواجد حالياً   رد مع اقتباس
قديم 26th October 2005, 20:12   #3
ابوهلا
عضو مهم
 
تاريخ التسجيل: Jan 2003
المشاركات: 2,030
ابن عسكر عزالله انك متذوق من الدرجه الأولي


سبحان الله تصدق اني ناوي هاليومين انزل هالقصيده



وعزالله انها من القصائد القريبه والمحببه لقلبي جدا



وقد سمعتها منذو فتره طويله في شريط واللذي جعل المرحوم الشاعر الكبير مرشد يقول


قل لبو نواف كملن العذار _ وانتوينا يالعطاوي للمسير

والعطاوي المقصود هو عبدالرحمن قد ارسل قصيده لمرشد يطالبه بالذهاب معهم وقد بين لهم مرشد
انه مشغول في بنيان بيته وقد اعتذر منهم وقال انه لايستطيع السفر في هذه الاوقات ولاكنهم الحوا عليه بقصائد ذكروا فيها ان السديري بنفسه يرغب بحظورك يامرشد فقال القصيده السابقه واللتي كان مطلعها هذا البيت اللذي يبين فيه انه ليس لديه اى عذر مادام السديري بنفسه ملزم عليه بالحضور







وانشالله اني سأحاول ايراد القصائد كامله لانه سبق هذه القصيده ردود لقصائد قصيره بينهم ولاكن قصيدته هذه ختمت الموضوع





فالقصيده تعتبر بصراحه من الروائع الشعريه لشاعر عملاق جدا عليه رحمة الله



لاهنت يالقرم عزالله احسنت الاختيار وتراني سويت لتنسيق وخلفية الابيات مكياج عطني رايك
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
قديم 27th October 2005, 01:36   #4
ابن عسكر
شاعر
 
الصورة الرمزية ابن عسكر
 
تاريخ التسجيل: Jul 2005
المشاركات: 171
مبارك الزعبي + ابوهلا

لاهنتوا وصح ابدانكم


اخوي ابوهلا بالنسبه لتنسيق الابيات جزاك الله خير 00 كل شي تحط ايدك فيه بالمنتدى بركه

ومايحتاج تنطر الراي من اخوانك ياجميل يارايق يابوهلا

لاهنتوا على زيارة الموضوع 00 والله كل مره ودي احط قصيده لكن اتأخر مرات واقول لازم نخلي بينهم فتره بسيطه على الاقل

ليتمكن الزائر من القراءه والتمتع بما ننقله للمنتدى من قصائد الشعراء الكبار

وتقبلوا مني تحياتي ,,,
ابن عسكر غير متواجد حالياً   رد مع اقتباس
قديم 28th October 2005, 15:48   #5
محمد فهد الوافي
شاعر
 
تاريخ التسجيل: Oct 2004
المشاركات: 231
فعلا ملحمه شعريه

لاهنت على النقل يا أبن عسكر

دمت بود

أخوك محمد فهد الوافي
محمد فهد الوافي غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:59


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir