( وجـــــــــه الرفــــــيق )

[سعود بن مدلاج]

بسم الله الرحمن الرحيم ،،
أيها الأخوة الكرام
في منتدانا المحبوب
تقبلوا منا هذه القصيدة المتواضعة ،
وهي تعبر عن نفسها ،
واعذرونا على القصور الواضح ،








تفضلوا:ـ
[poet font="Simplified Arabic,5,black,bold, normal" bkcolor="transparent " bkimage="backgrounds/13.gif" border="double,8,pur ple" type=2 line=200% align=center use=ex length=0 char="" num="0,black" filter=" shadow(color=silver, direction=135)"]
قلت واسم الله البادي على كل حالي=واحدٍ نتبّع هديه وسنة رسوله
يالله اليوم ياوالي على كل والي=تفرج الهم من صدرٍٍٍٍ تزايد زموله
أثر ماينطح القالات كود الرجالي=الرجل للمواقف والجمل للحمولة
وأشهد إن السديري ماكذب في المقالي=شاهدٍ له وغيري بالصحيح اشهدوله
قال لا خاب ظنك في الرفيق الموالي=التشره على بعض العرب ويشهو له
أحسب إن العرب تمشي على اللي ببالي=لين جالي مع الأيام صولة وجولة
شفت وجه الحرام وشفت وجه الحلالي=وشفت وجه الرفيق اللي تشرف فعوله
الله أكبر على وقتٍ قديمٍ مضا لي=يوم وقت الطرب والونس تضرب طبوله
قبل عرف الرجال أهل الكلام الخيالي=القلوب بصداها والهروج امعسولة
الله إنه يبيّض وجه سود الليالي=طلعت لي خزينٍ محكماتٍ قفوله
كل شئ اتضح ماعاد فيها مجالي=وأشهد إن المراجل ماتجي بالسهولة
المراجل لو إنها تنشرا بالريالي=كان يمكن على الرديان يسهل حصوله
مار ماحاشها ألاّّ أهل الفخر والمعالي=كل رجال لا من قال يافي بقوله
ياسلامي على اللي لا اعتزيت اعتزالي=صحبته راس مال وعندي أكبر بطولة!!
[/poet]


وسلامتكم ،،،

أخوكم // سعود بن مدلاج،،،