مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

 
 
أدوات الموضوع انواع عرض الموضوع
قديم 3rd September 2006, 14:27   #1
سيف القبيله
عضــــو مميــز
 
تاريخ التسجيل: Dec 2005
المشاركات: 900
محاوره بين الشاعر نجم الحره والشاعر ابراهيم الشيخي

عبدالله عتقـان
مرحبـا ترحيبـةٍ شارعـه عشريـن بـاب *****يستحير الضيـف يدخـل مـع أي أبوابهـا

لـي صديـقٍ كلماغـاب طـول بالغيـاب *****وأكثـر الغيبـات مانـي بعـرف أسبابهـا

ابراهيم الشيخي
البقـا رديــةٍ ماتـحـب الا الـصـواب *****من معـه شكـه وريبـه يحسـب حسابهـا

لو يغيب اصحابك احذر تزوّد فـي العتـاب ***** ساعـةٍ بحضورهـا عـن سنـه بغيابهـا

عبدالله عتقـان
أدري إنك شاعرٍ غير يحسـب لـه حسـاب *****وأدري إنك مـن رجـالٍ شـرف هندابهـا

والعتب بيـن العزيزيـن جسـر الإقتـراب *****فرصـةٍ ماتنتعـوض وربــك جابـهـا

ابراهيم الشيخي
ماعليكـم زود مابـه سـوال بـلا جـواب *****اعرف بيوت الكرامه واعـرف اصحابهـا

يالدميحي سرهـا سرهـا مسـرى الذيـاب *****لاتشـب النـار والحـق علـى مشهابـهـا

عبدالله عتقـان
واجد الزحمه على البنـك لجـل الإكتتـاب *****والناهيـه خمسـه أسهـم محـد يرضابهـا

علـم الخيـاط قـدام تفصـيـل الثـيـاب *****العـرب ماتلبـس أثيـاب غيـر إثيابـهـا

ابراهيم الشيخي
وش يهمك وانت فالبنك لك رقـم و حسـاب *****جامـعٍ لـك ثـروةٍ ماحسبـت نصابـهـا

بكره ليا بان فرق السحـاب عـن التـراب *****تقنع العالـم وتصبـر علـى مـا صابهـا

عبدالله عتقـان
جامعتكـم تقـرن المنتـظـم بالإنتـسـاب *****ليه هذا الخلـط ياهـل تـرى وش صابهـا

أنت رأسك رأس عقرب وعينك عيـن داب *****نـاس تقرصهـا بغفلـه ونـاس أتهابـهـا

ابراهيم الشيخي
بالمعدل بان فـرق الصحيـح مـن الكـذاب *****مانلـوم الجامعـه وانـت مـن طلابـهـا


من وقع يصبر على هشم ضرس وطحن ناب *****ويش الاخطر عقـرب الارض والا دابهـا؟

عبدالله عتقـان
أه ياغلطـة زمانـي لتألـيـف الكـتـاب *****يـوم زهـران استغلـت بنـود اكتابـهـا


الزواحـف والأفاعـي عساهـا للـذهـاب *****مايجيـك الخيـر مـن روسهـا وأذنابهـا

ابراهيم الشيخي
لاتوجد وانت فـي دنيتـك لازلـت شـاب *****شـد حيلـك وانقـل البنـدقـه وزهابـهـا

الافاعـي ماتعـرض لمحشـوم الجـنـاب *****غيـر لاجـا يمهـا تعطـبـه بانيابـهـا

[عبدالله عتقان
طوروا حارة قويزه علـى حـي الرحـاب *****بس لو صارت مثـل بـون ماعشنـا بهـا
تبـت إيديـن الـذي بيننـا ودا وجــاب *****كلمـة ٍ عنـدك حكاهـا وكلمـه جابـهـا
سيف القبيله غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:12


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir