مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 19th June 2004, 19:48   #1
SAGER2000
عضــــو نشيــط
 
الصورة الرمزية SAGER2000
 
تاريخ التسجيل: Apr 2004
المشاركات: 166
امير الشعر النبطي

كلمات الشاعر مطلق بن شنار بن مديبغ الزعبي
في الشاعر الأمير خالد الفيصل
[poet font="Simplified Arabic,4,firebrick,n ormal,normal" bkcolor="transparent " bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
مع القلم والطرس ومداعب الطيف "=" بسهر مع الافكار حتى الصباحي
بسم الله مصرف الكون تصريف "=" مرسل نبيه بالهدى والصلاحي
بديت بالترحال من ضفة السيف "=" متوجهين للأقليم السياحي
رحلة وفا لأهل الوفا ما بها زيف "="والقصد واضح ما يبي له ايضاحي
نبي وطن هاك الجبال المشاريف "="من عز راعيها نوينا المراحي
من الكويت لمنطقة دايم السيف "="جيت اقترح وارجو قبول اقتراحي
بقولها يا امير من غير تحريف"=" تنصيبكم لامارة الشعر تاحي
يا عاسف صعبات الامثال تعسيف"=" لك طايعات بالمجي والمراحي
لامارة الشعر يا مكرم الضيف "="نهدي لك البيعة يكل ارتياحي
زعامتك للشعر يا امير تشريف"=" وحنا كذلك نعتبرها وشاحي
بنكلفك بامارة الشعر تكليف "="وحنا وراك بكل حزم ونصاحي
ونبي لها يا امير ندوة وتثقيف "="حتى يحالفها السعد والنجاحي
ويعمل لنا التلفاز للحفل توصيف "="وينقل لنا ما دار بالافتتاحي
موروثنا يحتاج جمع وتصنيف "="وان ما تبنيته ذرته الرياحي
قل تم وانزل عند رغبة هل الكيف "="حيثك مؤهل من جميع النواحي
بالشعر وافي ما تبي زود تعريف "="وبالاصل من دولة طوال الرماحي
ربع اليا صار السماء فيه تغليف "=" يصبح بهم صلف الصناديد صاحي
ربع تعنف تايه الراي تعنيف "=" بمهند للخصم سم ذحاحي
الا عتلوا سرج المهار المزاعيف "=" وحمى الوطيس وزل وقت المزاحي
كم جندلوا بنحورهن كل حربف"=" عقب المكابر والعناد استراحي
يقودها ليث جسور على الصيف"="هذاك ابو تركي طويل الكفاحي
اللي جلا عن نجد كثر التخاريف "="واستبشرت عقب الدجا بالصباحي
يا ما على كور النضافى ظما الصيف "=" فج الفيافي فوق بيض اللواحي
وفي راية التوحيد روض هل الريف "=" ثم اتجه للحاضرة والضواحي
يوم معايير ويوم مناكيف "="لين استتب الامن والشر راحي
من عقب ما كانوا شتات وتناتيف "="والجار عند الجار دمه مباحي
تعج باصناف الجهل والعواصيف "="وحتى البشر فيها تحول اشباحي
الف قلوب الناس بالحق توليف "=" وصاروا اخوان بكل حدب وبطاحي
حتى اصبحت من غير خوف وتخويف "=" دستورها القرآن دين الفلاحي
يمشي المسافر من شروره الى طريف "=" من العدالة ما يشيل السلاحي
عن فعل جدك جبت نبذه وتوصيف "=" وعن باقي التقصير نرجي السماحي
قل تم وانزل عند رغبة هل الكيف "="حيثك مؤهل من جميع النواحي
[/poet]
__________________
استخدم زر التحكم لتعديل توقيعك
SAGER2000 غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:09


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir