مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 27th October 2004, 15:03   #1
مبارك الزعبي
مشرف مجلس الشعر
 
تاريخ التسجيل: Jan 2003
المشاركات: 826
ناجح سعد بن جدلان الأكلبي .... قصائده

السلام عليكم ...

تحية وبعد ...

سعد الأكلبي ... هذا الاعرابي الذي قدم لمحيط الشعر بقوه من واحات (( بيشه )) حيث موطن قبيلته أكلب ... التي تعد من اعرق القبائل في جزيرة العرب قاطبه والتي لم يتغير اسمها او موطنها منذ العصر الجاهلي حتى يومنا هذا ...
اترككم مع بعض من قصائده .

(( حزازات ومشوخ ))

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
يا مل قلبٍ تقول يقلا على صيخ=خلت به الدنيا حزازات ومشوخ
دنيا تنوخ راعي العقل تنويخ=وينداش فيها صاحي الفكر ويدوخ
تغيرو فيها العيال المطانيخ=وبسبابها شمل العرب صار مشلوخ
خلتهم الدنيا مناشف طبابيخ=حتى الاقارب بينها الذيب مصلوخ
ماعاش فيها الا عيال الطخاطيخ=خطوا البعير الي من المدح منفوخ
من شان ماله صار شيخ ولد شيخ=وامشيخٍ نفسه على النصب والجوخ
بالحكي لعتازوه وياك مريخ=وليا جاء لزومٍ عندهم صاروا فروخ[/poem]


ورائعه أخرى :


((رساله الى صديق))

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
ون ابن جدلان من لايعٍ لاعه=كن في كبدي دوافير صناعي
العب المنكوس واحب روباعه=ممنٍ في الوقت والوقت خداعي
مادريت ان ضحكة الوقت خداعه=شفت مدخالي ولا شفت مطلاعي
لا بغيت اسج والا انبصط ساعه=دق قلبي من ورا حدب الاضلاعي
كن من بين الضلوع آلة طباعه=تشتغل لانمت واقوم مرتاعي
هم قلبي ما يفرق تجمّاعه=غير جر الصوت والناس هجاعي
فاقدٍ لي سلعةٍ واكبر أبضاعه=سلعةٍ تشرا ولاهيب تنباعي
رفقة الطيب ليا غير اطباعه=اشهد انها كيةٍ توجع اوجاعي
راكب اللي صممه صاحب أصناعه=جمس بيك اب من حديثات الانواعي
الغريب الي جديدٍ من انواعه=حوض رفرف مايبي شد وشراعي
لا أنس البنزين عجلٍ تفرقاعه=مخطرٍ من سرعته يقلع اقلاعي
لا تحرك شفت في القاع مشلاعه=والتواير تظهر الما من القاعي
ينعش القلب الحزين ابتهملاعه=لامشا قام يتهملع تهملاعي
لا وطى الارض العتش كن تهزاعه=بنت شيخٍ طامحٍ من ولد راعي
في رجا الغايب تحرا لمرجاعه=تنقد العشاق وتطق الاصباعي
نفسها من جملة الناس منصاعه=ماتبي الا واحدٍ ذكره ايشاعي
ينحر اللي ياخذ الطيب بذراعه=الصديق الصافي الصامل الواعي
الوفا والطيب ساسه ومنباعه=يوم بعض الطيب تقليد وصناعي
لا وصلتوا فأخبروني عن اوضاعه=واخبروا راعي السمارا عن اوضاعي
انشدو ويش السبايب بمهزاعه=لاعلي ناقص ولا أبيه فزاعي
ودّنا نرضيه ونحاول اقناعه=كان بن مهمل بعد يسمع الداعي
كان يبغا حق للحق قطّاعه=نقنعه والحق ماعنه مجزاعي
وكان مبغضٍ في الرياجيل بتّاعه=لايجي ناقد ويلحقني ارياعي
لصديق نخلي النفس خضاعه=مانوريه الجفا والتمطّاعي
الصداقه عندنا ذخر وطماعه=صحبةٍ ماهيب صحبه تمتاعي
حد جدتها على البرق لمّاعه=وان خذت يومين مفعولها ضاعي
فإن تليمنا على العز والطاعه=وان تفرقنا فجوج الله اوساعي
ماأطرد المقفي ليا صفط شراعه=مخبل اللي للمقفين تبّاعي
من يحط اذنه على كل سماعه=جاه فرقاً مابعدها تجمّاعي
والزباد اختام هرجي ومطلاعه=يدفعه من ريحة المسك ذعذاعي[/poem]

ومع رائعه اخرى ...

((شكوى))

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
ألا يالهبوب البارده عجلي هبي=على جاش من قامت هواجيسه أتلو به
انا مرةٍ اصحى ومره يغيبي=واسرح معا كثر الطواري بغيبوبه
ألا يادهر ماهو بحقٍ تلاعبي=وخليتني لمقرد الخلق لعبوبه
اعبادٍ مغفلها الزمان وتعجبي=يحسبون قل المال فالرجل عذروبه
وانا قانعٍ باللي علي كاتبه ربي=ومومن بمقدوره وقانع بمكتوبه
ولا أبغى عما الاريا برايه يجربي=وهو ماعرف ماجوب ربي وماجوبه
هدور المجالس راعي المدح والسبّي=وهو بالخلا لو جاه بنتٍ خذت ثوبه
يقولون لي جز من تصرفك وتحبي=وهي توبتي من مجتمعهم هي التوبه
ديار الوباء من طبها راح متوبّي=وقرّابة الجرباء على الحول مجروبه
انا عارفٍ منصاي الا من بدا نبّي=وعارف طريقي والذي باتجه صوبه
وانا اعرف من اعادي وانا اعرف من احبي=وبه ناس لاتعرف ولا هي بمحبوبه[/poem]

وقد جارا سعد بن جدلان ....
الشاعر : مطلق بن شنار المديبغ الزعبي
الشاعر :غازي بن دخيل الله
الشاعر : عبدالله بن نايف بن عون

.....

وسعد الاكلبي لا يخفى على الجميع فله روائع كثيره وكثيره ... أعجز ان انقلها لكم كامله .. فله في وصف البنادق ((البلجيك)) :
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
إقصيرات العدن روس الصناديق=عُكف الاصابع رهيفات الكراسي[/poem]

وللنظر في هذه الصوره الجميله عندما يقول :
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
تحطم كيان الحب واهتزت اوضاعه=ولاعاد باقي من بيوته ولا مبنا
إلا مستحيزٍ يطرق الريح بشراعه=ولا له جدا إلا كيف ربي يقول بنا[/poem]

وعندما يصف حاله يمر بها فيقول :
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
همٍ يمزع سترة الجوف تمزيع=تقول ينهش ثومة القلب افاعي[/poem]

وعندما ينظر إلى ** حوار ** (( جابوه صلفين الطرق من دياره )) فيقول :
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
بياض وجهه يغلب اكثر حماره=يشبه غضب محشومةٍ دمها حار[/poem]

بالإضافه إلى تلقائيته التي يوظفها بطريقه جميله ومحببه إلى مستمعيه كقوله:
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
خلوني أسج عن موضوعه احسن لي=ولا الغلا والله ان يبطي وهو غالي[/poem]



وفي الختام تقبلوا تحياتي ...


المصدر : الديوان الاول لسعد بن جدلان الاكلبي اسمه (( سمان الهرج ))..

0
مبارك الزعبي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 17:06


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir