مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 13th December 2004, 20:14   #1
سلمي من الحجاز
عضــــو
 
الصورة الرمزية سلمي من الحجاز
 
تاريخ التسجيل: Oct 2004
المشاركات: 72
ألم وخيانة

الاخوة أعضاء المنتدى
السلام عليكم ورحمة الله وبركاته ،،،،

أرجو أن تعجبك هذه القصيدة ،،،
[
[poem font="Simplified Arabic,4,darkred,nor mal,normal" bkcolor="transparent " bkimage="backgrounds/1.gif" border="none,4,gray" type=0 line=0 align=center use=ex num="0,black"]
لاردك الله وأطلب تردين = أدعي عليك بعثرة في صلاتي
عثرة تشلك مابعدها تقومين = ياقاتلتني يوم صرتي حياتي
خدان لك بالقلب كانت بساتين = وريضان وغصوناً بها يانعاتي
كنتي مناة القلب والروح والعين = واليوم عينك يعلها ماتباتي
كنت أحسبك للعهد والحب توفين = قلتي الغدر بالحب ماهو بسواتي
وحلفتي يمين الله مامنك ثنتين = وإنك ملاك دون كل البناتي
وإنك على عهد المودة تسيرين = ولاتسمعين أهل الحسد والوشاتي
وصار اليمين ستار خلفه تسيرين = ورماح غدرك بالخفا مشرعاتي
وبان الغدر سم جرى بالشرايين = الله عسى يسقيك سم الفعاتي
كلي سقيتك حب واليوم تنسين = تقولين حلم أيام واليوم فاتي
صورتك بالشعر خزامى ورياحين = واثرك هضاب وشوك مابه هداتي
رسمتك مهاه للجميلة تقودين = وأثرك قطيعة وضيعتها الرعاتي
وأثرك غراب يوم سدل جناحين = كنت أحسب أني شايف لي قطاتي
بالشعر غليتك على كل غالين = وأثرك دنية وتعشقين الدناتي
وبالشعر عاتبتك عتاب المحبين = أنا من يسوم الروح لك ياغناتي
توسلت لك خايف على حب عامين = عامين لكن في حسابي مئاتي
نادين لكم أبد ماتسمعين = عمري وروحي فكري في ثباتي
حذراك للشينات عمري تماشين = عديمات أصل أخلاقهن دانياتي
غاب الولي غنهن ولعبن بحبلين = ياخس واليهن وخس الولاتي
ماهمهن في الناس زين ولاشين = وقلوبهن من حقدهن مظلماتي
وقلتي وربك لو يكونا ملايين = ماغيرن باطباعهن من سماتي
تحسبين إنك بالمهافة ترقين = كيف الصعود يكون للهاوياتي
وختني بوعتي كل عهد وأيامين = ماعاد يفرق بين ماضي وأتي
وصرتي مثل غيرك برخص تبيعين = يامرخصتني مابقي لك غلاتي
صبر نفذ واليوم ثارت براكين = مظلوم أنا وباكر تحل دعواتي
سمعي عسى من ناضرك ماتشوفين = وتطحن بك الايام طحن الرحاتي
وعساك عوق منه ماعاد تبرين = عوق تشافق له قلوب العداتي
ويالله عسى كف الندامة تعضين = تندمين يوم أنه يفوت الفواتي
وتبكين دم يسيل من مقلة العين = وتحتار أمك عن عناك وتحاتي
عسى ماتلاقي من له القلب تهدين = وأن هو حصل أدعي عساك الشتاتي
عسى بعمرك ساعة ماتهنين = وتمضي حياتك بين هم وشقاتي
يابنت قلبي وين مثله تلاقين = قلباً عطاك الحب ماقال هاتي
جيتك وروحي شلتها لك بكفين = وفي التالية رمح الخيانة جزاتي
يالله عساك النار ياأم وجهين = كله أنكشف لاماتفيد العباتي
ويالله حسى تلبسك جن وشياطين = وتكونين مدعاة الحكي والشماتي
ياحية رقطا تقود الثعابين = باكر تحن أيامك المعتماتي
وباكر على فعلك بمثلة تجازين = ظلم المشاعر ماتحكمه قضاتي
بيني وبينك تحكم أيام وسنين = وأنا شاهدي قلباً من الغدر ماتي
ويادمعة التمساح لالاتذرفين = العيون رغم أدموعها كاذباتي
لاماعرفتي الحب لاماتحسين = وغدرك تعدى غدر ذيب الفلاتي
الذيب يعوي قبل يغدر بمسكين = وانتي غدرتي خافقي في سباتي
لوكان غدرك في كفوف الموازين = لكان رجح كل غدر البناتي
أنتي السبب سقتي على القلب جرحين = غدر الغرام وموجع الذكرياتي
وأنتي السبب واليوم لالا تلومين = وإن جاك باكر شوفي أشلون يأتي
والله لاكتب وأفضحك في دواوين = وأرقص وأغني يوم خبر الوفاتي
ويمين لانشر فوق أسمك عناوين = وأشهرك من قاصي اليمن للفراتي
ومن غرب هالدنيا إلى قاصي الصين = ديون غدر فيه كل اللغاتي
والبادي أظلم سنة العين بالعين = وإلا فذي لاعادتي ولاصفاتي
وياشبه أنسانه برأس ورجلين = أعود بالرحمن منك بصلاتي [/poem][/list]وسلامتكم ،،، وش رايكم
سلمي من الحجاز غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:56


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir