مجالس قبيلة زعب  

العودة   مجالس قبيلة زعب > المجالس الأدبية > مجلس المحاورات الشعرية والقلطة

 
 
أدوات الموضوع انواع عرض الموضوع
قديم 16th December 2004, 13:14   #1
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
سعود بن مدلاج وعايض بن بخيت

السلام عليكم ورحمة الله وبركاته
وبعد

يسرني اناقتطف لكم بعض المحاورات التى جرت في 26/10/1425في قاعة البندر في الدمام وقد حضرها عدد من الشعراء
وعلى راسهم الاخ الشاعر
سعود بن مدلاج
كما حضرها كل من الشاعر عائض بخيت السلمي
ومطيع السلمي
متعب السلمي
عبدالله العنزي
سالم المري
عوض الله السلمي
عايض القحطاني وعدد من الشعراء
والتي قمت بتنظيمها الى جانب الاخ الشاعر متعب بن عواض السلمي
وهذه احدى محاورات الشاعر عائض بخيت العبيدي السلمي والشاعر سعود بن مدلاج الزعبي

عائض
يامرحبا في الحلة اللي ماتمل من الضيوف***** فالحلة اللي تكرم الضيفان وتحييبها
اللي يعرف العلم يوم يجيه وعيونه تشوف***** الملعبه نبغى نزينها على ترتيبها
سعـــــــــــــود
دام البقاء دام البقاء مهما يكون من الظروف***** باللابه اللي نفتخر فيها ونعرف طيبها
ياعايض اهرج وابتسم مادمت شاعر ومعروف***** واللي يبي يسرح بها بكره يبا يمسيبها
عـــــــــائض
الله يحييكم على التكميل ماحنا ضعوف***** جيب المعاني بعد جابتك اللوازم جيبها
الليله الليله نحط نقاطها فوق الحروف***** اما نبى نسري بها والا تبى تسريبها
سعــــــــــــود
الله يكافينا المصايب ياصحيبي والصروف***** ياشيب عين ام الكباير فالدهر ياشيبها
وانا معك ياصاحبي مالي على الدنيا حسوف***** اما نبي نقبل بها والاتبي تجفيبها
عــــــــــــائض
انته بوسط سليم لا ترتاع مالاحقك خوف***** وام الكباير لا تماشينا ولا نمشيبها
الليله الليله نصلب حملها فوق الكتوف ***** واللي درى يخبر بها عربان ماتدري بها
سعـــــــــود
ان كان عندك سيف ياعايض ترانا اهل سيوف***** ياخف وزنك فالجبال اليا عوالك ذيبها
اذبح جمل للضيف يارجال لاتذبح خروف***** بعض السوالف ياولد ماودنا ناتي بها
عــــــائض
ماذمكم لكن عسى الرب باحوالك يروف***** الجيده في ايديننا من حيث مانرمي بها
اللي يحذف الناس ياولد العرب صار محذوف***** بعض المعاني لا تجربها ولاتبدي بها
سعــــــود
حنا نسير في الجزيرة شوف والالاتشوف**** والطيبه نحري بها والغاليه نحري بها
والاانت والله مالقيتك في بروز ولا قطوف***** بنت الهوى يمكن على فقدك تشق جويبها
عــــــــــائض
خلك تسير فالبلاد من القطيف اليا الهفوف***** والا المشاعر لو تسافر شرط ماتمسي بها
ليتك تخاويني واوديك الحرم حتى تطوف***** حنا نعلمك السنن لن كان ماتدري بها
سعــــــــــــــود
ابرك من اللي مع ------الضلع خا طف ومخطوف **** في حرة مايروي العطشان سيل شعيبها
جدي وجدك مع رسول الله لهم ماقف ونوف***** وشلون تعلمني بحاجة عالم وش غيبها
عائض
انته بقسمك من علوم الوقت يالقلب العطوف***** وان كان تنكرها علينا فوقكم تصليبها

وسلامتكم
العبيدي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:36


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir