مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 30th July 2005, 12:03   #1
محمد فهد الوافي
شاعر
 
تاريخ التسجيل: Oct 2004
المشاركات: 231
تكفى يا بن وافي كعام المحاريش

السلام عليكم ورحمة الله وبركاته ,,,

صبحكم الله بالخير

أنقل لكم ردية بيني وبين

الشاعر محمد مبارك الوافي

واتمني ان تنول على اعجابكم





القصيدة






الله مـن قلـــب ٍ تعرمــش تعرمــــــاش

من كثر ما يشكي هشـاش ٍ وتهميــش




بسباب ملهوف الحـــشا حلو الارمـاش

اللي معشـش وسـط جاشي بتعشيـش




عشقه شلع روحي ودشدشني دشاش

ونهـش محاشيـش الحشا خوش تنهيـش




أشبهــه بشــباه خشـف ٍ عـلى طــاش

يشـرب ويشبـع من حشيش ومحاشيش




خشـف ٍ خريـش ٍ مع بشـوش ٍ وكشــاش

وشــره ٍ شبيــه اللـي بعيـد المناويـش




شوفـه شـفا الحييـن واللي بالانعـــاش

واللـي يشــك بحـالتـه مـالـهـا عيــــش




شـفـي مـعـه أنـي اشـوفـه اذا عــــاش

واشبـع انـا مـن شوفــته والمـطاريــش




ويـا راكـب اللـي مـا شـرينـاه ببــــلاش

أشهـب شبـح يشـبه عطيـب المخــاريش




بالكـاش شـارينـه مـاهـو ديـن بالكــاش

ويصعـب على اللي جمع المال بالخيــش




يـمـم عـلـى اللـي للمشـاكيــل بشــــاش

محـمـد الـلـي قلــط الحيــل مــع عيـــش




وقلـه تـرى صاحبـك يشـكي مـن هـواش

يشـكي عشـير ٍ دشـدش القلـب تدشيــش




تكفـى يا بـو مبـارك ويـا ذيـب الاحــراش

تكفـى يـا بـن وافـي كـعـام المحـــاريش




افــــزع مـعــي بكــــلاش والا برشــــاش

والا بشــــورك يـا شــــويــر المبــاليـــش




يشـره عـلي اللـي مـن العشـق مـا نــاش

هـو ما درى ان العشـق يذبـح ولـه جيـش




العشـق شــرع ٍ للعواشيــق ( يا أوبـاش )

شـي ٍ شـرع من جـاش ماهـوب من طيــش




وختـامـها يـا صــاحبــي جــاك مطـــراش

وعـجـــل عــلـي بنــدبــكم للمــطاريــــش







رد الشاعر / محمد مبارك الوافي







الـــلـــه مـــن قــلــب ٍ تبــلـــش تبـــــلاش

متكــهرب ٍ جـوفــه تقــل شـابكـه فيــش




أليــا شغــلت الــراس وشتــب ثـم شــاش

يخشـى عـلـي أطيــر لــو صفـلي ريــش




سبــة شجـاع ٍ شربكـه خشـف الاوحــاش

اللــي رموشــه جيــش بــوش المحاريــش




أرسـلي الشكـوى وأنـا وسـط الافـراش

متحــاشــي ٍ شــــوف البنـي المبــاهيش




قــد حشنـي مـن باشــة الشـام حشــاش

شــب الـحــشــا مـــن دون قـوله وليــش




ابــو ثـمــان ٍ شبــهـا شـــبـة فـــــــلاش

غيـــر الشــهد مــن درها مــا عطانيـــش




والشمــس مــا تغشى بشــاش ٍ وتخفـاش

حتيـــش لــو خشيـــت بالخيــــش حتيــش




أنــا أشهــد أن بـيـاع الاقمـاش غشـاش

مــا حشــمك يـا بــو العيــون المـرايـــش




مـن شوفتـك أصبحـت عايـش ولا عــاش

ولشــوفتــك روُح حــلالـي بخــاشيــش




يا خشــف ما تعشـق ترى حالتي مــاش

أشقيتنــي مـا شـف قلبـي عراميـــــش




من عشقـكم شفي اشوفك ولا أعتــاش

وأصبـحـت أقـلــد لبســكم للطــرابيــش




ويــا راكــب اللــي للمشــاوير ما نــاش

غيـر الهوى ومصافح السحب ما نيـــش




طيــارة ٍ مــا شـالــها عميــش وعمــاش

ولا شغلــوا فيشــه دشــوش ودراويــش




اهــزع عـلـى اللـي للمعاطيــش هتــاش

قــرم ٍ شجيــع وكـل شــوره نغاميــش




قلــه كسيــر السـاق مـا يسنـده شــاش

والا العمــى لـو قــاد مثــله على ويــش




واللي شبع من شـوفة الخشف بهبــاش

مـا مـل مـن شـوف الوجيـه المداغيــــش








وسلامتكم ,,,
محمد فهد الوافي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 18:45


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir