مجالس قبيلة زعب  

العودة   مجالس قبيلة زعب > المجالس الأدبية > مجلس الطرائف

 
 
أدوات الموضوع انواع عرض الموضوع
قديم 16th August 2005, 22:43   #1
راعي الصفرا
مشرف مجالس الطرائف والمسابقات
 
الصورة الرمزية راعي الصفرا
 
تاريخ التسجيل: Jul 2005
المشاركات: 443
اكتب اقوى موقف محرج او طريف مر عليك بحياتك

السلام عليكم ورحمة الله وبركاته




لستة الاعضاء تقريبا وصلت 800 الا شي بسيط


ومانشوف الا 8 تقريبا يشاركون وماراح اغفر لأي شخص مايشارك :)

حاول تفضي نفسك خمس دقايق بس وتكتب اقوى موقف محرج او طريف صار معاك بحياتك.


للمره الثانيه , رجاءا لحد ينحرج , حاول تكتب موقف صار معاك

------

بالنسبه لي موقف ماراح انساه طول عمري

بسنة 94 رايحين بر النعيريه , انا ومجموعة شباب

ولما صار الوقت ليل راحو الربع يصيدون جرابيع

قالولي تعال معانا , قلت لهم انا تعبان وبنام , ( وانا مبيّت النيه وبخاطري شي ثاني )

المهم راحو الربع

رحت للسياره ولبست قناع وجه عجوز وشعر ابيض , القناع يروع , وجبت عبايه كانت معاي بالسياره ولبستها

مو لابس غير هاف نص اسود او تقدرون تسمونه ( ستريتج )


ورحت انطرهم

ولما شفت سيارتهم جايه , جيت عند شمعه ( شجره ) وانخشيت عندها قريب من الدبايه او ( السكه الرميله )

اول ماقربو واطلع لهم واوقف قدامهم

مااشوف الا بريك وراعي السياره ولع الليت العالي

واسمعهم يقولون جني؟؟ واللي يقول شيطان؟؟ واللي يقول هذي حديده بنت ماويه؟؟ ( اسم جنيه كانو يسولفون فيها اهل النعيريه)

انا اتسمع الاصوات والا الصوت مو صوت ربعي اللي انا اعرفهم

ماخذيت دقيقه الا اسمع واحد يقول ادعمها تكفى , والثاني يقول خلونا نرميها , واسمع صوت السياره داس على البانزين ووجه الموتر علي

اقول في خاطري ( ياليل الليل ) طحت بناس ثانيين

واحط رجلي ركض والددسن وراي مسرعه واركض والعبايه ترفرف وراي وسيقاني تقول سيقان حاشي جافل

مافكني منهم الا ضلع . او طعس , كله تغاريس ومرتفع قريب من السكه

واروح وراه وكل مااسمع صوت سيارتهم انخش بالجهه الثانيه

نص ساعه عشتها كلها رعب

لين راحو

والله اني بغيت ابكي جعل امحق موقف

وارجع أمشي للخيمه والاقي ربعي جاين على الطريق

تحسبون الخبل تاب عقب هالموقف؟؟

عاد في راسي نعره , رحت اركض بلحق عليهم عشان اروعهم , اركض جمب السياره محد شافني هاهاهاهاها
وتعدوني


بعدها جيتهم بالخيمه وقلتلهم السالفه

ماتو ضحك

نمت ذاك اليوم متكسر وماني بطيب


----------------------------

انا قلت هالموقف بس عشان محد ينحرج من اي موقف بيكتبه :)

تقبلو تحياتي
__________________

راعي الصفرا غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 14:10


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir