مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 1st September 2005, 16:07   #1
العبيدي
مشرف مجالس الشعر والمحاورات
 
الصورة الرمزية العبيدي
 
تاريخ التسجيل: Aug 2004
المشاركات: 842
رسالة جوال

هذا موقف حصل بيني وبين الاخ ابراهيم فراج الزعبي وهو اخ عزيز
اتصلت فيه قبل يومين ابسلم عليه وكان الوقت حوالي الساعه الثامنه مساء
فتح الخط وانا اقول الو الو ما احد يرد قفلت الخط وقلت في نفسي يمكن
الارسال ضعيف المهم التمست له العذر وبعد حوالي نصف ساعه عاودت الاتصال
رد علي وقال ارجوك كلمني بعد تجيك رساله مني قلت تمام واقول في نفسي ان الرجال
كان مشغول المهم وصلتني منه الرساله التاليه
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]
يالقاهره وش جاب عمك سالم
عندي وانا في مركز البجاديه
اليا نشدت انشد عن ابن غانم
ماهو عن الجاليه المصريه
وكان العبيدي مادرى من عازم
برثي سليم الضلع في مرثيه[/poem]

تشتت افكاري وش قصد الرجال القاهره وعمي سالم الجاليه المصريه
اتصلت عليه فتح الخط الو الصوت ماهو صوت ابو فراج قفلت الخط
قلت اكيد هذا مقلب ثواني وانه يتصل بي قلت وش قصتك انت
قال اتصل علي مصري من جوالك يقول وين عمي سالم وصحاني من النوم
بسم الله الرحمن الرحيم جوالي معي وانا اللي دقيت به ولا حولي احد
الاوانا كلمتك ورد علي صوت ماهو صوتك
قال ابد ماحولي احد
قلت اجل هذا اقتران في الخطوط الهاتفيه لكن ما صار الا خير
واني ما اقدر اترك ابياته كذا ولو اني ماني شاعر
كتبت له ثلاثه ابيات ولو انها دون مقام ابو فراج
قلت
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]
لو لاه وانه ما يواخذ نايم
رفعت ضدك يالسمي قضيه
ابرى من التهمه وربي عالم
والخط واضح ما اكتب العبريه
وان كان وان الزعبي امسى حالم
ارقامنا ماهي لاحد عاريه[/poem]
وارسلتها بالجوال
بعدها ارسلي يقول
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]
الظاهر انك ماتبي نتفاهم
فيك الحميه زايده بشويه
كاني وهمت الصوت فانته واهم
والا تبي تبيّن لي الرديه
باب وتسكر مير شرك والم
ماقلتلك يمكنها جنيه [/poem]
قلت
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=1 line=0 align=center use=ex num="0,black"]
وراك يارجال صرت مسالم
صارت علومك كلها بريّه
منول سيوفك علي صوارم
واليوم تايب عن هذيك السيه
فنجال امده لك بكيفه ذالم
والمعذره منكم ترى مرجيه [/poem]
العبيدي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 13:21


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir