مجالس قبيلة زعب  

العودة   مجالس قبيلة زعب > المجالس الأدبية > مجلس القصص

 
 
أدوات الموضوع انواع عرض الموضوع
قديم 9th September 2005, 16:22   #1
زعبى ام الساهك
عضو مبدع
 
تاريخ التسجيل: Dec 2004
المشاركات: 678
بياض الراس مهوب شيب الشيب هو القلوب الميته

اسعد الله اوقاتكم

سالفة شايب


آآآه من اللي حداني اليوم على ذا السالفه المهم نجي لسالفتنا

السالفه اليوم هي تاكيد ان القلب هو اخر ماينطفي في الادمي والزين يحرك حتى الصخر

ياشويب الشر وش جاك ...... ؟؟
هذا الله يطول في عماركم شايب عدى الــ100 سنه ولكنه باقي فيه شوي نشاط وصار عقوبه عليه ذا النشاط
في احد الايام وهو يتهقش في احد الشعبان رفع حجاجه وبرق الا ذيك المزيونه اللي تقول برق يتلالا بين شغايا الشعيب ...
وذا الزين سارحاً له بغنم تطرد ذي وتهز طولها تحد ذيك وشويبنا اما ان نظره زين والا انه لبد له في محل وقعد يتمقل في ذا الزين ولعب الله فيه
<---------- خش جو شكله البلا صايبه هو مهوب الشايب
المهم شويبنا لعبن به الهواجيس ودمه فار في راسه وزين انه مافار في اتجاه ثاني لا ينبعج الشايب من قوة الضغط ومع ذا الفوره اللي وصلت مخه احتاست اموره وقال له ابيات مايقولها ابو عشرين سنه


يقول::

عنيتني يامثل ظبي سفيسيف

.................... ....... يامقطف النوار في روس النوامي

ليتك قميري ياحسن التواصيف

.................... ........وانا الصقر شهان ذاك القطامي

اجيك خاضب ماتقول العرب شيف

.................... ......... وارتويبك في الفباء ياغرامي

واطير بك في راس العناقين في هيف

.................... .......... في راس ذاك الحيد مالي مرامي

انت تغرد فالعلا في هفاهيف

.................... ........ وانا اصيد واجيبلك صيدٍٍ دسامي

وتسعف لنا الايام ونغدي مواليف

.................... ...........وهروجنا بزين العمق الكلامي

ماهو كذا كتفني الشيب تكتيف

.................... ....... ....مابين الحد والظلامي

وثوب قضيف فوقه اللحد تصفيف

.................... ....... دانو على جالها رغامي


وسلامتكم

وسامحوني على القصور منقولة
__________________

زعبي ام الساهك

زعبى ام الساهك غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 17:17


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir