مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 18th February 2003, 19:18   #1
ابو فهد
إدارة الموقع
 
تاريخ التسجيل: Jan 2003
المشاركات: 97
أعجبتــــــــــني ........مارأيكم بها ....



يبه شلونك

ملل هالكون من دونك ..

يبه شلونك ؟؟

وتمضي رحلة الدنيا..

بليا طلة عيونك..

يبه شلونك ؟؟

وشلون المرض وياك ؟؟

بعد ماهدك بدنياك..

عساها تغمض جفونك ؟؟

تبي تدري عن احبابك ؟؟

عن عيون تغنا بك ؟؟

عن قلوب دفنها الشوق..

واذا جاها الغفا جابك ؟؟

.. يبه امي تخيلك دوم

تغني لك مع القمرا..

يبه واللي خذاك بيوم..

خذا بكريتك عفرا..

خذا.. وياماخذا.. وياما..

خذا ناس يحبونك

يبه حنا غدينا كبار..

توفقنا وتخرجنا..

يبه ماعاد فيه صغار..

يموج بهالزمن كل شي..

وحنا ماتموجنا..

على ذاك العهد نسري..

نبيع العمر والدنيا..

ولا تخلف بنا ظنونك

يبه شلونك ؟؟

تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..

وبعيون الحزن عبره..

تغرقني .. وتحرقني..

اشوفك نجمة تجبر..

مراعيها .. يراعيها..

واشوفك للرجوله اسم..

اذا شد الزمن تقسى..

واحلم من معاني الحلم..

احسك مقبل بكرى..

وعيا لايجي بكرى !!

يبه تذكر زمان مر؟؟

لاقالو عمر؟؟

هو احلى مابهذا العمر..

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك

للشاعر : مسفر الدوسري
ابو فهد غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 16:07


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir