مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 15th December 2005, 14:10   #1
علي بن مديبغ
شاعر
 
تاريخ التسجيل: Nov 2004
المشاركات: 332
مواضيع..

السلام عليكم


اقدم لكم مقتطفات من إنشائي واتمنى انه تعجبكم



( 1 )

لا هب نسناس الشمال اخليت من راسي الشماغ...وسندت خدي لليمين وعودت طاقيتي

حسبي على همي مع الظيقات ما منها مراغ....تجبرني اجدد بشركات الحزن عظويتي

افكر بأمسي وبكره لين اتعبت الدماغ...إلين عفت النوم واصبح ذ السهر ماريتي

متى يُـغيَّـر ذ الزمن واخذ من همومي فراغ...واكنسل اوقات الشقى واتمتع بحريتي


==================== ==================== ==================== ==================== =

( 2 )

دمعة شرف ولا فرح فيه ذلي...وطيحة شموخ ولا وقوف الإهانه

ياللي نبشت الجرح بالله قلي...هاذي قساوة قلب ولا ميانه

إن كان جرحي في همومك يسلي...اعرف ترى شرع الزمن بالخيانه


==================== ==================== ==================== ===================

( 3 )

من طين مخلوقين وآخرنا لحد...ليه المراوغ دام آخرنا معروف

اللي فعل سيه وبالآخر جحد...لاتصبح اعذاره بوقته والضروف

سوا خلقنا ما لأحد فضل(ن) لأحد...وفعل اليمين يرتبك حسب الصفوف


==================== ==================== ==================== ==============

( 4 )


هزيت عثق الشعر ثم طاح منه...احلا معاني الشعر بأسلوب راقي

لا يا قصيدي كان مافيه منه...بقطف من اعنابك جميل المذاقي

وسطك انا يا شعر كني بجنه...عطني مدام العمر والوقت باقي

شاعر وله فكره ونظره وظنه...ارقى سنود إن كنت بالنفس هاقي

شاعر وتعبير الشعر صار فنه...رقى بأحاسيسه لأعلى المارقي

الشعر انا لو كان صديت عنه...ماعاد باقي من حياتي بواقي

مانيب بكتب لجل معجب لأنه...له منطقه وانا بعد لي نطاقي

الشعر ما قصر بضيقي كأنه...رفيق يرفق في اعز الرفاقي


==================== ==================== ==================== =========


( 5 )


اصخر القيفان واخزمها خزم...مدامها قد اينعت حان القطاف

من تاق للعليا يلحقها عزم...ما ياخذ الا هو في اخر مطاف

عيوبنا بهروجنا مابه جزم...سوالف اول ليل وقلوبٍ نظاف

على القدم يصعب ترا اصغر حزم...لا راحت الهمه ووكب الحيل طاف

العين تدمع لا طلع فيها هزم...وما يبرد اللي بخاطره منهو يخاف

وقتٍ يذل رجال ويعزز قزم...نبغيه يرقى للعلا يرجع خلاف




وسلامتكم
__________________
يكفي ليا ذِكرت فعول القبايل...لي لابةٍ متنومس إبها ولدها
علي بن مديبغ غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:58


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir