قصيده جديده ورد الشاعر فهد غنيم المديبغ

[ابو تركي]

صبحكم الله بالخير جميعا


اهدي لكم قصيدتي المتواضعة ورد الاخ الشاعر فهد غنيم المديبغ



[poet font="Simplified Arabic,4,black,bold, normal" bkcolor="transparent " bkimage="backgrounds/23.gif" border="solid,10,bla ck" type=1 line=200% align=center use=ex length=0 char="" num="0,black" filter=""]
من هاجسٍ بالشعر يردف رديفي"=" ردف الفشق في يدين الصيرميّه
لا ثوروها على كونٍ مخيفي"=" تجرح وتذبح وتعدم لك سريّه
قلته وانا صافيٍ بالي وكيفي"=" عقب اشقر البن والدله عذيّه
ماني بماشي على حد الرهيفي"=" دام الفضا واسع ونفسي رضيّه
ويامعايد القريتين ام الرغيفي"=" خسوّعت ما جبت لك لقمه هنيّه
ماغير في مرثعك تجدف جديفي"="ما هاكذا تجزي الحسنه بسيّه
ليتك على العلم تبخص به عريفي"="مير البلا لا هذاك ولا هذيّه
بشكي على مسندي فهد المنيفي"=" من لابةٍ تورد ابحوض المنيّه
قولٍ صحيحٍ ولا يلحقه زيفي"=" يوم الاشدّه على ظهر المطيّه
وجتك القصيده ووينك يالنكيفي"="ما دام وصلت لحلال القضيّه
[/poet]
رد الشاعر فهد المديبغ

[poet font="Simplified Arabic,4,black,bold, normal" bkcolor="transparent " bkimage="backgrounds/23.gif" border="double,9,bla ck" type=1 line=200% align=center use=ex length=0 char="" num="0,black" filter=""]
من هاجسٍ كنه السيل العنيفي"=" لا سال ثمٍ تحدر مع نحيّه
اسرع من اللي يلاعبها السفيفي"=" واعرض من اطويق واثقل من طميّه
قدام يابن الصبيح اسل سيفي"=" اعرف وش لي و ويش اللي عليّه
معروف مايستشك اللا الضعيفي"="والعارفه ما يجي حول الخطيّه
حنا لاقرب الحفيف من الحفيفي"="الصف واحد ولا فيها كميّه
حنا نعرف الثقيل من الخفيفي"=" وانعرف ركب الكديش من العبيّه
لا كن يالله لطفك يالطيفي"=" وشلون يرضى الخوي يزعل خويّه
وعرف ترى الطيب ما مثله وصيفي"=" لولاه كان العرب هذي سويّه
ولا الردى يلحق اصحابه حسيفي "="سواة منهو غزا فوق الونيّه
وختامها عد همال الهتيفي"="صلوا على المصطفى خير البريّه
[/poet]


وسلامتكم