مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 5th February 2006, 06:04   #1
ابوهلا
إدارة الموقع
 
تاريخ التسجيل: Jan 2003
المشاركات: 2,030
رائعة الشاعر ابن المطوّع

قصيدة رائعة ،،، للشاعر: المشهور بسم ابن المطوع وقيل ان اسمه عايض العتيبي والله اعلم




هذه قصيدة ابن المطوع وهي شهيره جدا وقديمه نوعا ما ولها قصه اختلف كثيرا الرواه في ذكرها لهذا السبب تعمدت عدم ذكر القصه لكي لا ادخل في متاهات الناقلين




واليكم القصيده اللتي تعتبر عذريه ورائعه



[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
ابن المطوع ما لقا الدار ماهول = مخل ٍ جنابه عن جميع الونس خال

شافه خلا من عقب ما هوب منزول = وأقفا على أقدام الحفا يهذل أهذال

ابن المطوع مات بسباب مجمول = عطشان في راس أبرق ٍ نايف ٍ عال

لكن سواتي ما بعد عاشها زول = ولا قد سمعتلها مع أهل الهوى أمثال

عايشتها عمري ثلاثة عشر حول = أو هو يقل عن الثلاثة عشر حال

أنا صغير وناحل الخصر مدلول = سبع وثلاث معديتني ورى الجال

الفرق عشر ٍ فيهن أرياف ومحول = فارق هوانا فرق راحل ونزال

صبرت عل الصبر يندار بحلول = وحمل العنا عن بايد الحيل ينحال

أقول أظن الصبر ينزال ويزول = وصبرت وأثر الصبر ما هو بحلال

ونويت أكسر حاجز الصمت وأقول =أما طمع وألا مناكيف وأجزال

واجهتها خايف وسايف ومذهول = وأخبرتها بالحال عن خافي الحال

واجهتها من راس مرسلت مرسول = وردت بعلم ٍ ما خطر لي على البال
.



قالت واشافيها تفرق عن اللول = توك صغير ولا بعد صرت رجال

لـ شتد عودك وأصبح الزند مفتول = ومشيت ما بين المناعير تختال

يمديك تلقى من يسليك بدلول = ويحطلك بأقصا خفاياه منزال

وأقفت يلحفها من الليل مجدول = ما غطته عن ناظر الطفل بجلال

أقفت وأنا في ماقف الياس مخذول = مفلس فلاس مضيع الجاه والمال



.
تفتر بي دنياي في حيل مشلول = وفي ما قفي ما طاعت الرجل تنزال

وراح الزمان وطال وطول بي مطول = وأصبحت في رجوى خيالات وهبال

أصبحت جرحي في خفاياي مشيول = نوب يهيض ونوب يلتف بأسمال

لا طاب من مابه ولا مات مقتول = أبطى وتاثيره على النفس مازال

دايم يزوره ساري الطيف محمول = على متون الليل في مهمه اللال

يسقيه في لذة كرى النوم معسول = حلو المذاق بلذة النوم سلسال

من منهل ٍ ياعنك ما هوب منيول = صعب ٍ على خيار النشاما والانذال

واليا انتبه جرحي من النوم مثمول = عادة عليه أتراح الاحزان تنهال

هذا جواب اللي عن الناس معزول = عزل الجبال الصم عن جرد الاسهال

واتلا الجواب من المساهير هملول = تهدي لهاك الزول من بد الأزوال[/poem]





اتمنى ان تنال اعجابكم
__________________
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
قد قالوا اصحاب الحكم وانا بردد ذالمقال = تصرفات اهل الجهل يشقى بها اهل العقول

شنار[/poem]
ابوهلا غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 18:41


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir