مجالس قبيلة زعب  

العودة   مجالس قبيلة زعب > المجالس الأدبية > مجلس الشعر والشعراء

 
 
أدوات الموضوع انواع عرض الموضوع
قديم 28th March 2003, 07:12   #1
مشعل الزعبي
شاعر
 
تاريخ التسجيل: Mar 2003
المشاركات: 9
مصافحه أولى..!

السلام عليكم ورحمة الله وبركاته،،









هذه أوّل مشاركة لي في منتداي الغالي

مجالس قبيلة زعب











وآسف على تأخّري في الإِشتراك







وأهدي لكم جديــــدي....




[poet font="Simplified Arabic,4,black,norma l,normal" bkcolor="transparent " bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
ياهيه ياللي كلمتك عدّت حدود الإحترام"="وأثارت أهل المعرفه، وأرضت شفوف المغرضين

ماني بقايل فيك شيّ، الضرب فالميّت حرام"="لكنّي آبا آعلّمك فرق الهزيل من السمين

لي لابةٍ فيها الرضيع إليا بلغ سنّ الفطام"="تخرّ له -من هيبته- كلّ الجبابر ساجدين

أنا أدري إنْه لعمْرو بن كلثوم تركيب الكلام"="لكنّ مضمون الكلام لربعي، السيف السنين

أهل الفخر، والعزّ، والهيبه، رفيعين المقام"="وأهل الشرف، والمجد، والسطوه، كعام العايلين

واللي احرمك نيل المكارم، واحرمك مدح الكرام"="إختصّنا بالرايه العليا على مرّ السنين

وجعل لنا عزٍّ تليد، ورفعةٍ بين الأنام"="ومهابةٍ في كلّ قلب، وكلّ عقل، وكلّ عين

زعوب، لاهبّت هبوب النخوه، وثار العسام"="تورّد الطاغي على حوضٍ يذلّ الشاربين

بسطوةٍ تركع لها السطوه، وقدرٍ مايضام"="وبقوّةٍ تذهل هل القوّه، وعزمٍ مايلين

ويوم إعتزا الجار وزهمهم، خلّوا الغازي حُطام"="وللجار حقّ أوصى بحفظه كلّ سلم وكلّ دين

ضدّوا جيوش أشراف مكّه فوق خمسة عشْر عام"="ما طالت الحيزه وراعيها كفوف الطامعين

الكلّ منهم يعطي دروس بتفاصيل الصدام"="ماضرّهم لو يجهل التالين فعل الأوّلين

وأنا ليا جت للفعايل ما لحق فعلي ملام"="إن كان لي حقّ آخذه، واليا عطيت أعطي الثمين

فالطيب لي سيره، ولا عقب العظام إلا العظام"="وفالشعر شاعر وأدحم الشعار بالجنب المتين

وكانك تبيها فالحسين إستقبل الموت الزؤام"="وكانك تبيها فالحسن، شوف الحسن خلف الحسين

والشمس تبقا شمس حتّى لو يغطيها الغمام"="ومن عقب هذي مابقا عندي لك إلاّ كلمتين

امّا تخلّي كل حكيك في نطاق الإحترام"="ولا ترى ماعاد من دون الحلوق إلا اليدين
[/poet]

وسلمتوا...













أخوكم/ مشعل بن محمد بن صبيح الزعبي





.
__________________
يالله إنّك لاتخلّيني امن الخاسرين & (يومَ تَبيضُّ وجوهٌ وتَسْودُّ وجوه)




al-farazdq@maktoob.com
مشعل الزعبي غير متواجد حالياً   رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:02


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir